398
REGISTRES DU BUREAU
[i564]
deubz par led. Manceau pour le ternie de sa maison, ct qu'il accorde que iceulx meubles soient venduz et le premier paié de la vente d'iceulx desd, sept livres, dix solz. Et quant à deux muis de vin, n'a empesché et n'empesche quc icelluy Fournier ne les face vendre, et qu'il retienne les deniers, et demande despens, d'autre part, partyes oies, après que led. deffendeur a affermé par serment qu'il a loué aud. Manceau lad. maison et cave, environ cinq jours après Noel, le pris de vingt livres par an, à com-
mencer dud. jour de Noel dernier, ordonnons que les biens et vins dont est question, avec d'aullres, si ceulx prins ne suffisent, seront venduz et delivrez au plus offrant et dernier encherisseur en la maniere acoustumée, et des deniers provenans de lad. vente sera préalablement baillé et delivré aud. deffendeur et opposant la somme de sept livres, dix solz tournois, pour led. louage et terme aud. jour de Pasques der­nier, et le surplus desd, deniers baillez aud. Four­nier jusques à la concurance de son deu.
DLXXXIX. — [Deffences d'envoier porcz paistre es fossez et roulevartz de la Ville.]
[Vente de biens aux enchères.] [Deniers de la location du moulin de Bretigny employez à faire refaire une route suffisante
et à oster les pieulx empeschant la navigation.]
11 avril 1564. (H 1780, fol. 24a v°.)
Du xi0 Avril vc Ixiin.
Entre le Procureur du Roy et de la Ville, deman­deur, d'une part, et Personnier, procureur des gou­verneurs et procureurs de Sainct-Anthoine-le-Petit'1', deffendeur, parties oies, faisons deffences ausd, def­fendeurs et leur porcher de plus mener ny envoier leurs porcz paistre es fossez ny boulevertz de lad. Ville, sur peine de dix livres parisis, et condemnez es frais, taxez à six solz parisis.
Au jour d'huy, sur ce que André, procureur de Henry Didier, juré vendeur de vins de lad. Ville, a faict appeller en jugement devant nous au Bureau de lad. Ville Jehan Bescheu et contre luy requis deffault, par vertu duquel il feust ordonné que les biens sur luy prins feussent venduz en la maniere acoustumée pour la somme de treize livres, douze solz tournois, restant de plus grand somme pour vente de vin, ainsi qu'il est à plain contenu au rapport de lad. execution faicte par Gabriel Vassé, sergent de lad. Ville, lequel Becheu n'y seroit venu ne comparu, ne aultre pour luy; au moyen de quoy avons contre luy donné deffault, par vertu duquel ordonnons que les biens sur led. Becheu prins par execution à la requeste dud. Didier seront venduz et delivrez au plus offrant et dernier encherisseur en la maniere acoustumée, et les deniers provenans de lad. vente baillez et delivrez aud. Didier jusques à
la concurance de son deu, la vente desd, biens préalablement signiffiée aussy en la maniere acous­tumée, et à ceste fin seront contrains les gardiens desd, biens à iceulx rendre par toutes voies [et] ma­nieres deues et raisonnables, lesquelz partant en demour[r]ont deschargez; et si condemnons led. Becheu es despens telz que de raison.
Au jour d'huy, sur ce que Moisant, procureur de Jehan Poupet, musnier, demourant au moulin de Bretigny, en personne, auroit faict appeller en juge­ment par devant nous messire Eustace Du Bellay, evesque de Paris, en parlant à m" Pierre Dreux, son advocat et conseil, au grand vicaire dud. sr evesque de Paris et à mc Charles Aubert, son recepveur, et contre led. sr evesque de Paris requis, suivant noz sentences du sixiesme jour de Mars dernier passé, et aultre sentence du dix huictiesme jour dud. mois ensuivant, qu'il feust condemné à acquicter et des-dommaiger et rendre indempne pour sa part et por­tion led. Poupet de la poursuicte contre luy faicte par le Procureur du Roy et de lad. Ville, et à faire refaire, dedans le jour sainct Jehan Baptiste prochai­nement venant, une rotte suffisante à l'endroit du per-thuis dud. moulin pour le paissaige des basteaulx tant montant que avalant, et arracher et oster les pieulx,' orbillons et aultres choses estans près dud. moulin et perthuys, empeschant la navigation, sùi-
(•> ll s'agit de la commanderie et hôpital de Saint-Antoine-le-Pelit, situés entre la rue Saint-Antoine et la rue du Roi-de-Sicile; les religieux de Saint-Antoine avaient seuls à Paris le privilège de nourrir une douzaine de porcs avec une sonnette au cou. (Cf. Sauvai, Antiquités de la ville de Paris, 1.11, p. 64o.) Au début du xve siècle, l'Hôtel-Dieu avait dans Paris de quatre-vingts à cent pourceaux; eu avril i4oi, le Procureur du Roi le mit en demeure de les enlever de la Ville et de les transporter dans le logis que l'hôpital possédait près des Chartreux. (A?-cliii.es nationales, Parlement de Paris, X1* 4786, fol. 119 Y°-)